13 ақпанда ІІМ Басқару академиясының өкілдері Қазақстан Республикасы Президентінің жанындағы Мемлекеттік басқару академиясына жұмыс кездесуімен барды. Іс-шараға екі ведомстволық оқу орнының басшылығы қатысты.

Кездесудің негізгі мақсаты – кадрларды даярлау, ғылыми-зерттеу қызметі және озық білім беру тәжірибелерімен алмасу саласындағы ынтымақтастық мәселелерін талқылау болды.

Тараптар өздерінің білім беру бағдарламаларын таныстырып, оқу және ғылыми базамен танысты, сондай-ақ бірлескен зерттеулер, тағылымдамалар және оқытушылар мен тыңдаушылар арасындағы тәжірибе алмасу аясындағы ынтымақтастық перспективаларын талқылады.

Кездесу барысында мемлекеттік басқару және құқық қорғау қызметі жүйесінің тиімділігін арттырудың негізгі аспектілері, оның ішінде оқытудың инновациялық әдістерін енгізу, білім берудегі цифрлық технологияларды дамыту және мемлекеттік билік органдары мен құқық қорғау құрылымдары үшін кадрлар даярлауда озық тәсілдерді қолдану мәселелері қарастырылды.

Контент:  ІІМ Басқару академиясында ішкі істер министрінің орынбасары, полиция генерал-майоры Айдар Сайтбековтің төрағалығымен жиналыс өтті.

Жиын барысында Академияның 2025 жылға арналған жылдық жоспары талқыланып, оқу процесін жетілдіру, кадрлық саясатты дамыту және ғылыми-зерттеу қызметін ілгерілету мәселелері қарастырылды.

Сонымен қатар, ғылыми жобалардың өзектілігі мен олардың ішкі істер органдарының тәжірибелік қажеттіліктеріне сәйкестігі жөнінде пікір алмасу өтті. Академияның профессорлық-оқытушылық құрамы мен ғылыми қызметкерлеріне жаңа міндеттер қойылып, нақты тапсырмалар жүктелді.

Іс-шара соңында министрдің орынбасары Айдар Сайтбеков Академияның білім беру және ғылыми-зерттеу қызметінің маңыздылығын атап өтіп, ішкі істер органдары үшін білікті мамандар даярлау ісінде стратегиялық басымдықтарға назар аударды.

 

Академияның жедел отырысында Ішкі істер министрлігінде өткен жедел кеңестің қорытындысы шығарылды.

Жеке құрамға ІІМ алқасының негізгі талаптары түсіндірілді, сондай-ақ Академия қызметінің негізгі бағыттары қалыптастырылды.

Кеңес тиімді жұмысты ұйымдастырудағы және білім беру қызметін одан әрі жетілдірудегі маңызды қадам болды.