Ғылыми кеңес
Ораз Жолдасович Жолдасов
Ғылыми кеңестің төрағасы – Қазақстан Республикасы ІІМ Басқару академиясының бастығы, полиция полковнигі
Ғылыми кеңес – Қазақстан Республикасы ІІМ Басқару академиясының алқалы басқарудың жоғары органы. Ғылыми кеңестің шешімдері жоғары оқу орнының одан әрі даму траекториясын айқындауда шешуші рөл атқарады. Ғылыми кеңес өз қызметінде Қазақстан Республикасының заңнамасын, 22.11.2007 ж. бекітілген Жоғары оқу орнының Ғылыми кеңесі қызметінің және оны сайлау тәртібінің үлгілік қағидаларын, сондай-ақ Академия Жарғысын басшылыққа алады. Ғылыми кеңестің ғалым хатшысы – философия докторы (PhD), қауымдастырылған профессор (доцент) Эльвира Абдикапбарқызы Алимова. Ғылыми кеңес қызметі ұжымдық талқылаудың жариялылығына негізделеді. Қазақстан Республикасы ІІМ Басқару академиясының Ғылыми кеңесінің қазіргі құрамына 7 адам кіреді, олардың ішінде 3 ғылым кандидаты және 2 философия докторы (PhD).
Ғылыми кеңестің мақсаттары:
1
Академия білім алушылары мен профессорлық-оқытушылық құрамы үшін кәсіптік оқу бағдарламаларын табысты іске асыруға қажетті жағдайлар жасау;
2
Академияның қаржы саласын реттеу, материалдық-техникалық базасын нығайту;
3
Академияның одан әрі дамуына жәрдемдесу.
Ғылыми кеңестің шешімдері міндетті түрде орындалуға тиіс. Ғылыми кеңес шешімдерінің орындалуын бақылау ғалым хатшыға жүктеледі. Ғылыми кеңестің құзыретіне жатады: 1) Академия Жарғысын қарау және мақұлдау, қажет болған жағдайда оған өзгерістер мен толықтырулар енгізу. 2) Академияның құрылымдық бөлімшелерінің Ережелерін бекіту. 3) Академияның даму стратегиясын анықтау. 4) Академияның оқу-тәрбие, ғылыми-зерттеу және шаруашылық қызметін ұйымдастырудың негізгі мәселелері бойынша шешімдер қабылдау. 5) Академия қызметінің барлық бағыттары бойынша жыл сайынғы есептерді тыңдау. 6) Академияның негізгі іс-шаралар жоспарын қарау және бекіту. 7) Академияның профессорлық-оқытушылық құрамының жылдық оқу жүктемесіне қатысты мәселелерді қарау. 8) Академияның оқу жоспарлары мен білім беру бағдарламаларының жобаларын қарау. 9) Академияның ғылыми зерттеулерінің перспективалық бағыттарын анықтау және үйлестіру. 10) Академияның ғылыми-зерттеу және тәжірибелік-конструкторлық жұмыстарының жоспарын бекіту. 11) Монографияларды, оқулықтарды, оқу құралдарын және т.б. баспаға ұсыну және қарастыру. 12) Ғылыми атақтар беру туралы өтініштерді қарастыру. 13) Академиялық және құрметті атақтар беру. 14) Магистрлік диссертациялар мен жобалардың тақырыптарын бекіту, PhD докторанттарының тақырыптарын бекіту және ғылыми басшылық үшін кеңесші комиссия тағайындау. 15) Докторанттар мен магистранттардың академиялық аттестаттауын өткізу. 16) Академия қызметкерлерін үкіметтік наградаларға және құрметті атақтарға ұсыну. 17) Академия қызметіне қатысты өзге де мәселелерді қарастыру.
Файл атауы
Файл атауы